最近莊錠欣推出咗

全新嘅廣東歌

《沒有你在旁的後來》

佢仲帶住呢只歌

上家燕媽媽嘅電台節目

錠欣同家燕媽媽

之前有一起合作過拍劇

又參加過佢旗下嘅藝術中心

二人已經好friend噶啦

今次錠欣推新歌

第一時間就嚟

搵家燕媽媽幫手宣傳啦

呢首廣東歌

仲有一個普通話版本嘅

《沒有你的未來》

新歌MV同期上線

大家可以從呢兩首作品裏面

睇到一個獨立自強嘅莊錠欣哦

聽到莊錠欣個名

襯埋佢韓味十足嘅妝容

很多人都覺得佢既陌生又熟悉

其實佢真係

從韓團“畢業”歸來嘅

以前係童星出身

參演過好多TVB嘅劇集噶

最經典嘅要數

佢喺《On Call 36小時2》中

飾演有病在身

但有歌唱夢嘅Yannis

喺劇中楊茜堯幫佢實現夢想

使盡人情牌幫佢借鋼琴練習

當時唔少觀衆就聽出

莊錠欣嘅音感&唱腔好好啦

//////////

可能錠欣個樣睇起身比較倔強

以前佢經常飾演一啲

性格叛逆、有個性嘅小朋友

就好似喺《愛情食物鏈》中

佢扮過校園裏面

壞事做盡嘅“惡霸”

欺淩比自己弱小嘅同學仔

當時有同爲“學生”嘅高海甯

以“正義使者”身份出場救駕

兩人有“打交”嘅對手戲添

▓▓▓▓▓▓▓▓▓▓▓░░░░努力加載中……

2016年嘅時候

莊錠欣就從CLC組合出道

參與各種唱跳活動

近幾年

佢簽約咗內地嘅公司

開始參演一啲內地劇

以及上綜藝節目

因爲普通話講得好

加上赴韓之後

造型&妝容都有升呢

好多人都冇認出佢

就係當年演“人哋個女”嘅莊錠欣

舊年莊錠欣突然po出

喺TVB錄影廠前嘅靓照

大家仲以爲佢要翻TVB拍劇

亦有人估佢

可能會參演“新人制造機”

《愛回家之開心速遞》添

但後來大家發現

佢just趁住回港

同家姐莊易羚一起上個訪談節目

話說莊易羚都係個大靓女

參演過《神耆小子》

《寵愛petpet》等劇

仲係TVB嘅主持人添

睇嚟兩姊妹嘅基因都好優秀

//////////

依家嘅莊錠欣女大十八變

擅長唱跳，仲識演戲

大家就開始關心

佢對另一半有咩要求啦

錠欣就話

希望另一半面善&勤力

理解佢嘅工作就好

依家好多女仔都冧“頂流

錠欣就表示自己

冇太了解過佢哋啵

唔知在座嘅各位男孩子

覺得自己符唔符合錠欣擇偶要求咧

大家之後仲會唔會

繼續follow佢啊

來源：可樂生活Color微信公衆號

編輯：張子殷

審核：曾敏妍

簽發：駱蘋