TVB今年首部警匪片

《反黑英雄》今晚播出！

呢套由

陳山聰、袁偉豪、張振朗、

朱晨麗、姚子羚主演嘅劇集

從預告睇算係大制作

槍戰、鬥毆、飛車全部齊曬

預告片節奏高能

正邪兩派嘅打戲不斷

埋身肉搏、橫街追擊

希望正片嘅節奏都咁快啦

據說呢次拍打戲

演員通通親身上陣

早前開記者會做宣傳嘅時候

參演藝人都有透露

自己拍劇時嘅勁爆經曆

本身畏高嘅陳山聰

要從2樓瀡落街

袁偉豪要喺5℃嘅天氣

去尖東拍跳海

搞到第二日發高燒

喺預告片都可以睇到

朱晨麗要單挑大只佬

要被人撖頭埋牆、電線鎖頸

不過佢居然話：

“好爽，幾enjoy畀人打”

//////

除咗打戲場面火爆

感情戲方面都有猛料

“同盟CP”被拆散曬

變成陳山聰+朱晨麗

姚子羚+張振朗兩pair

山聰繼續演正義警察

姚子羚則係性感look

做江湖大嫂

“大嫂”玩紅杏出牆

同“大佬”幾乎零同框

反而同演“馬仔”嘅張振朗

行埋一齊哦~

張振朗飾演嘅徐賢

角色人設比較複雜

佢唔係完全嘅反派

而係好似《反黑路人甲》咁樣

係個遊走灰色地帶嘅臥底

從預告睇

姚子羚飾演嘅林雪兒

似乎係徐賢嘅初戀

兩人感情都刻骨銘心

張振朗就表示

對呢個組合好滿意

佢所飾演嘅角色

圓咗佢兒時的夢想

原來從《當四葉草碰上劍尖時》開始

讀緊書嘅張振朗就

開始"暗戀"姚子羚

覺得呢個女仔好靓

仲透露當時嘅子羚

係好多男仔嘅幻想對象

雖然喺《包青天再起風雲》

佢哋已經合作過

但到呢部劇先有loveline

不過今次劇中冇親熱戲

兩人就話要約下次喔

//////

其實姚子羚近期

就約咗小鮮肉北上

仲幫佢“從男仔變成男人”

原來係電視劇《繁花》

正在TVB熱播

姚子羚同“豹嫂”胡蓓蔚

去咗上海拍攝綜藝《一路繁花》

帶大家實地睇《繁花》取景地

喺琴晚嘅節目中

姚子羚帶住冼靖峰

去到“紅幫裁縫”嘅西裝店

學《繁花》中嘅寶總咁

做一套男人必備嘅西裝

拍節目嘅時候

就爆出冼靖峰嘅醜樣相

以及坐圍信息

搞到佢好怕醜

“豹嫂”仲爆料話

姚子羚會同冼靖峰跳舞

Anyway

電視劇今晚都要播出啦~

一邊係同型男組情侶檔

一邊又同“年下鮮肉”共舞

等我哋嚟睇睇

子羚同邊個更有CP感先~

靓show開售

吳若希

IN·POSSIBLE-廣州站

吳若希巡演首站驚喜不斷

MV男主現身勁sweet

Jinny化身“舞娘”超吸睛

廣州係佢過去首次開個唱嘅舞台

再次回歸

勢必有更大、更勁爆精彩呈獻

喺“可樂生活”官方抖音號就可以買飛啦

艾怡良

不想忘記的名字們-廈門站

不停開show、不停售罄

“姨娘”嘅聲音實在受歡迎

【上海站】嘅門票已經售罄

【廈門站】仲有少量余票

想成爲佢“不想忘記的名字們”

快啲去“可樂生活”官方抖音號

搶飛啦

來源：可樂生活Color微信公衆號

編輯：張子殷

審核：曾敏妍

簽發：駱蘋