近期熱播嘅《玫瑰的故事》

飾演女強人上司嘅朱珠

一開始爲事業離婚

最近又爲愛情離職

受到大家熱議

現實中

朱珠同樣爲情所困過

之前就爆出過幾段坎坷情史

好在最後都潇灑轉身

面對搶男友的情況

佢仲講咗句金句：

“讓給她，男人多的是”

依家嘅朱珠

已經有咗幸福嘅家庭

而且作爲堅·名媛

佢嘅才華同顔值

從來都冇輸過

朱珠近日狂po帶方帽靓相

原來佢在法國巴黎商學院畢業

學曆升呢到碩士啦

事業、學業雙豐收

獲得好多網友點贊

另外

朱珠曾連續8年入選

“全球百大最美面孔”

公認嘅有顔值+有品味

日常穿搭都係“教科書”級別

上個月

佢開咗個“二手市集”

賣自己嘅奢侈品同閑置物件

做到全網爆火

被稱爲娛樂圈大善人

朱珠用咗多日時間籌備

呢個玲琅滿目嘅市集

從服飾、香水

到嬰兒用品應有盡有

更將LV等大牌嘢

賣出“地攤價”

除咗日常穿搭

朱珠喺劇中嘅搭配都好搶眼

從首部電影《我知女人心》

到出圈電視劇《精英律師》

每套look都襯托出

角色嘅風情萬種

呢次嘅《玫瑰的故事》

朱珠同劉亦菲、萬茜

又著出“穿搭教科書”

從高級OL到職場新丁

搭出全套都市麗人feel

一部劇帶你睇嗮~

//////

朱珠作爲職場“老狐狸”

係領導級別嘅人物

所以明豔老錢風最啱佢

睇起身松弛有度、遊刃有余

如果想要打造

有氣勢嘅職場造型

呢兩種材質可以幫到你

首先係有光澤感嘅緞面

緞面滑捋捋又清涼

好適合夏天

帶柔霧光澤嘅緞面

令佢全身散發貴氣

深V修腰、寬松新中式、

裹身大印花等款式多變

款款都展露佢嘅女人味

完整嘅搭配必須有首飾

劇中朱珠鍾意用

大體量嘅綠色翡翠首飾

和複古款嘅金色首飾點綴

//////

作爲女主角嘅劉亦菲

5集就有32套造型

令呢部劇成爲

名副其實嘅“換裝騷”

雖然好多人話佢嘅搭配

全靠佢劉亦菲嘅靓樣來撐

但時尚藝術生嘅示範

仲係好有夏日feel嘅

職場新丁可以照抄

修腰泡泡袖長裙+瑪麗珍鞋

簡單嘅穿搭好啱打工人

一件從頭到尾搞掂

顯靓身材又有藝術氣質

夏日炎炎又落雨

點樣著短褲上班

又唔會太隨意？

可以試下今年大火嘅

襯衫短褲套裝

整體穿搭既正式又舒適

仲有呢套

修身嘅黑色西裝套裝

搭配黑框眼鏡&修身T恤

既保留咗學生氣

又可以做正式嘅OL套裝

想著背心上班

可以試下呢件挂脖背心

唔使驚溜肩斜膊

收腰寬擺嘅設計

仲可以幫你凹出S型

//////

做到中層管理嘅萬茜

係上司嘅得力助手

既要幫上司管業務

又要幫上司培養人才

造型清爽簡約、夠曬中性

係最唔會出錯嘅打工人衣著

簡約通勤西裝

睇落就係業務精英

果綠色、卡其色

配襯印花西裝

就唔會太沉悶

另外

西裝馬甲搭白襯衫

都係唔錯嘅選擇

用項鏈和絲巾

裝飾下略爲死板嘅領口位

都可以讓商務範工裝

多一份設計感

呐

老錢風、藝術風、精英風

一部劇裏全部畀嗮模板

一周穿搭不重複都冇問題啦

來源：可樂生活Color微信公衆號

編輯：張子殷

審核：曾敏妍

簽發：駱蘋