喺大家嘅

期待中

尋晚終于收官啦

唔知大家覺得個ending

夠唔夠happy咧

最後一集嘅劇情

都幾峰回路轉、蕩氣回腸

先係一輪不知所措

再嚟一part感人肺腑

後面又驚心動魄

最last終成眷屬

不得不說

“唐教授”身披“戰衣”拆彈嘅過程

確實幾令觀衆屏息緊張嘅

但望住佢個look

就覺得似曾相識

後來有網友谂起

呢個咪就係我哋童年“男神”

豬豬俠嘅紅衣造型啰

穿上呢身冇鬼用嘅防護服

“唐教授”同豬豬俠一樣

成咗救人英雄啦

睇完大結局

唔少觀衆嘅評價係

劇中演員演技在線

just個劇情“逆天蠢”

嘥咗“視後”“視帝”嘅好演技

首先被吐槽嘅係

令人無語嘅“30年”設定

塞喺水渠邊嘅銀包

曆經30年風霜、

捱過舊年嘅“黑雨”

最終走唔甩、被阿sir揾到

消失30年嘅子彈

高樓大廈拆拆起起好幾次

佢咁啱打咗入樹幹上

完整保留咗落嚟

阿sir挂住查啲“30年前”嘅舊案

依家啲新案就走曬“外包”模式

唐教授、Daniel、Ana

好似警隊“編外”警員咁

幫警察破曬啲奇案

早排森sir入獄嘅戲碼

真係令觀衆有啲不知所措（wei）

明明都睇到監控、有曬證人

硬係要堅持話佢有盜竊意圖

被判入獄嘅森sir

喺獄中仲轟轟烈烈咁被求婚

兩人隔住探視窗嘅場景

令觀衆措不及防咁感動咗

有網友調侃到

陳展鵬原來係純“獄”boy

最後嘅囚服造型

竟然可以著到咁chok

網友去深挖陳展鵬以前嘅戲

揾出佢喺《隱形戰隊》《鐵拳英雄》

《城寨英雄》《巨輪》

《讀心神探》等熱播劇中

都有相似嘅入獄戲份

話佢走純“獄”風更冧女

除咗各位“帝”“後”級演員

展現嘅逆天演技之外

喺最後幾集裏面

戲份好重嘅“小白”

都被網友關注到

“小白”唔單止感化咗“教授”

仲帶佢去咗推進劇情嘅制彈場地

最後陪教授度過最艱難嘅時間

係勇敢、善良、重生、救贖嘅化身

相比起唔識查案嘅警察

俾錯戀愛信號嘅阿wing

“小白”應該先係“教授”嘅命中注定

仲有唔少網友驚喜發現

喺劇中閃現嘅茄哩啡

就算出場時間唔多

都俾足曬戲

好似首集就現身嘅

“精神病專家”孫耀威

“莫sir舊情人”梁小冰

仲有尋晚結局前出現嘅

“金牌大狀”馬國明

當然唔少得劉家豪&梅小青

呢pair最強CP嘅出場

早前劉監制就話

自己喺劇中留咗彩蛋

紀念自己榮休

大家搵足30集

先見到佢哋壓軸登場

都算係個可愛嘅驚喜啦

據話自己要退休嘅監制透露

仲有計劃開《逆天奇案3》

唔知大家仲會唔會繼續追咧

靓SHOW開售

艾怡良巡演【廈門站】

艾怡良巡回演唱會

《不想忘記的名字》

深圳、廣州站開賣即售空

冇搶到票嘅fans唔使擔心

艾怡良又官宣咗新嘅城市

7月12號廈門站

都在熱賣

快來“可樂生活”官方抖音號

買飛啦

來源：可樂生活Color微信公衆號

編輯：張子殷

審核：曾敏妍

簽發：駱蘋